ජීවිතේ ලස්සනයි...අනිවාර්යෙන් කියවන්න

ගන්න ගන්න අපෙනුත් ගන්න මල්........
අනේ මහත්තයා නෝනා අපෙනුත් මල් ගන්නකෝ...

         සමහර විට මේ වචන පේළි 2ක අහපු නැති කෙනෙක් මේ සිරිලක් දේශයේ නැතුව අැති.කිරි වෙහෙර වදින්න ගිය ඔයාට මේක අලුත් අත්දැකීමක් නෙවෙයි.සමහර විට ඒ මිනිස්සුන්ගෙ මේ වචන සන්සුන් හිතින් බුදුන් වදින්න යන ඔයාට හිසරදයක් වගේ දැනෙන් නැති.ඒත් ඔයා දන්නෑ මේ වචන වල කොයිතරම් නම් ගැඹුරු දෙයක් තියෙනවාද කියල.සමහර විට ඒ මලකට ඔයා දෙන රු 20 වටිනාකම ඒ මලේ නැතුව අැති.ඒත් ඒ දෙන පොඩි මුදලෙන් පුංචි පැටව් දෙන්නෙක් ඉන්න අසරණ පවුලක් ඒක වේලක් හරි බත් කටක් කනව කියල ඔයාට හිතන්න පුලුවන් නම් ඒ මල් බුදුන්ට පූජා කරාම දැනෙනවාටත් වඩා සතුටක් ඔයාට දැනේවි.

                    අපි ට්‍රිප් ඵකක් ඵහෙම යද්දි පාර අයිනෙ පොඩි ලෑලි කැල්ලක් දාගෙන පළතුරු ටිකක්, ඵළවලු මිටියක් දාගෙන ඉන්න මිනිස්සු කොයිතරම් නම් අපිට හම්බ වෙනව ද.ඒ වගේ ගමනක් යද්දි ඔයා සිගරට් , අරක්කු බියර් වගේ ඒවට කොයිතරම් නම් නම් වියදම් කරනවද.ඒ සල්ලි වලින් පොඩි ගානක් හරි වියදම් කරල අර අසරණ මනුස්සයෙක් ගෙන් හොද අඹ ගෙඩියක් , ගස්ලබු ගෙඩියක් ගත්ත නම් ඔයාගෙ ජිවිතේ විතරක් නෙවෙයි අර මිනිස්සුන්ගෙ ජිවිතත් හුගක් ලස්සන වේවි.

               අැගට පොඩි හයියක් ගන්න රු 300ක් වියදම් කරල බොරුවට රෙඩ්බුල් ඵකක් බොන ඔයා පාර අයිනෙ පොඩි ලෑලි කැල්ලක තියාගෙන තැඹිළි කපල විකුණන අර වයසක තාත්තගෙන් රු 30ක් දීල තැඹිලි ගෙඩියක් කපාගෙන බිව්ව නම් ඔයාට අැගට හයිය විතරක් නෙවෙයි අර මනුස්සයාගෙ හිනාව දැකල හිතටත් ලොකු සතුටක් අැති වේවි.

අපේ ජිවිත හුගක් සරලයි.අපිමයි බලෙන්ම ඒක සංකීර්ණ කරන් ඉන්නෙ

සංජය